Aps- The Muddled Utopian

Bandh karli mutthi humne, nahi kholenge ab kabhi.. Kuch thode khwab, Kuch thodi khwaishein, Kuch thode Khel, Kuch thodi Hasi, Samet ke rakh di, Ab na khulegi ye mutthi... Chote se kadamo ne jab pehli baar mitti ko chua tha tab, Jo Khushboo dil mein bhari thi wo aaj bhi saanso mein mehek rahi hai... Wo mehek bandh karli maine, Ab na khulegi ye mutthi... Kshitij  par aankhein mund kar bharosa kiya, Pankh failaye aanjani si udaan ke liye, Gire aag mein hue raakh.. Wo khakh band karli maine, Ab na khulegi ye mutthi.. Jis muder pe gharonda banaya, jis  ghosle mein apana sab sajaya, Wo tutta toh bache bs tinke, Wo tinke bandh karliye maine, Ab na khulegi ye mutthi.. Saanse aur jaan chidki jinpe wo na samajh paye hume kabhi, Na humari un choti ummido ko, Haath aaye wo bs mukhote the, Wo mukhote bandh karliye maine,  Ab na khulegi ye mutthi..  

Kuch saaman piche chutta sa, ek dhaga jaise tutta sa, Haar kadam nishaan chode, raunde hua ek khwaab sa... Kyu judte ho jab raahein bati hui hai aur manzile tay nahi? Dard se dosti karne ki aadat si hai ya zindagi se dushmani si? Usse kab tak uthake chaloge jo tera hai hi nahi.. Kuch aise sawal kyu puchte ho jiske jawab hai hi nahi? Bs daud lagi hai falak ko mutthi mein bharne ki.. Un haqqiqato se bekhabar ki Hathelio mein aasma nahi simat ta kabhi!! Bhagenge, ladenge, tuttenge, Bikhrenge.. Jab tak aankho mein kirane hai,, Fir bhi reh jayega kuch saaman piche chutta sa.